هونەرمەندان  
All
پەکەکە: 25 سەرباز و پۆلیسی توركیا لە باكوری كوردستان كوژران
 هەفتە پێشتر

کوردستان

پارتی كرێكارانی كوردستان كوژرانی 25 سەرباز و پۆلیسی توركیای لە "بازید و جزیرە و چەلێ"ی باكوری كوردستان راگەیاند.

ناوەندی راگەیاندنی هێزەكانی پاراستنی گەل، باڵی سەربازی پەكەكە لە بەیاننامەیەكدا رایگەیاند، رۆژی 1ی مانگ هێزەكانیان لە جزیرە چالاكییەكیان دژی بارەگایەیەكی سەربازی سوپای توركیا ئەنجامدا و بەهۆیەوە فەرماندەیەك و چوار سەرباز كوژران.

ئەوەشیخستەڕوو كە رۆژی 3ی مانگ چالاكییەكی دیكەیان لە گوندی شاخی سەربە جزیرە ئەنجامدا كە كوژرانی سەربازێكی لێكەوتەوە.

لە بەیاننامەیەدا هاتووە كە رۆژی پێنجشەممەی رابردوو هێزەكانی پەكەكە لە شارۆچكەی بازیدی سەربە پارێزگای ئاگری، چالاكییەكیان دژی پاسێكی پۆلیسی توركیا ئەنجامداوە و لە ئاكامدا 15 پۆلیس كوژران و 20 پۆلیسی دیكەش برینداربوون.

هەر هەمان رۆژی پەكەكە چالاكییەیكی دیكەی دژ بە بارەگایەكی سوپای توركیا لە دەوروبەری ناوچەی چەلێ ئەنجامداوە و تێیدا سێ سەرباز كوژران و بەپێی بەیاننامەكە رۆژی پێشتریش سەربازێكی دیكەی توركیا لەئاكامی چالاكییەكی پەكەكە لەهەمان ناوچەدا كوژراوە.

زۆرترین بینراو
  • 24 کاتژمێر
  • هەفتە
  • مانگ