زیانەكانی پەنجە تەقاندن
بە دەگمەن كەسێك هەبێ لە ڕۆژێكدا بۆ جارێكیش پەنجەكانی نەتەقێنێت، ئەم خووەی زۆر كەس پێوەی ئالوودە بووە زیانێكی زۆر بە پەنجەكان دەگەیەنێت. 

وەك لە ماڵپەڕی ئیلاف دا هاتووە، تەقاندنی پەنجە دەبێتە هۆی خراپبوونی باری تەندروستیی پەنجەكان و لاوازبوونی هێزی دەست، ئەگەرچی زۆر كەس دەڵێن من چەند ساڵە ڕۆژانە پەنجەكانم دەتەقێنم و دەستیشم هیچ كێشەیەكی نییە لە كاركردن، بەڵام ئەمە بیركردنەوەیەكی هەڵەیە، چونكە بە تێپەڕبوونی كات، وردە وردە پەنجەكان بێ هێز دەبن و ئەو چوار بەشەی هەر پەنجەیەك هێندە لێك دەخشێنرێت، ماندوو دەبێت و جار هەیە دەبێتە هۆكاری راوەستانی پەنجە لە جووڵە. 

بۆ پەنجە دەتەقێنیت؟ لە نێوان هەردوو ئێسكێكدا بۆشایییەك هەیە كە دەبێتە هۆی جووڵەی ئەو شوێنە و ئەم بۆشایییە مادەی تایبەت بە خۆی هەیە، كە بە پێی گەورەیی ئێسك و زۆر نێوانی دوو ئێسك دەگۆڕێت. زۆر جار بەهۆی دروستبوونی كێشەیەكەوە لەو مادەیە و هەستكردن بە ئازار، كەسەكە هەڵدەستێ بە تەقاندنی ئەو شوێنە بە تایبەت پەنجەكانی دەست، ئیتر ڕۆژ بە ڕۆژ كەسەكە ئالوودەی ئەم كارە دەبێت و پەنجەكانی فێر دەكات بە تەقاندن تا ڕادەی لاوازبوونی دەستی. ئەو دەنگەی كە دروست دەبێت بەهۆی چەند گازێكەوەیە كە لەو نێوانەدا هەیە و لە كاتی تەقاندنی دروستی دەكات، ئەگەرچی ئەم پەنجە تەقاندنە باشە و ماندووبوون كەم دەكاتەوە، بەڵام لە كاتێكدا ئەگەر نەیكەیت بە خوو و هەموو ڕۆژێك دووبارەی نەكەیتەوە، تەنیا ماوەی جارێك بیكەیت. 

كاریگەری نەرێنی تەقاندنی پەنجە تەقاندن، دەبێتە هۆی لێكخشاندنی ئێسكەكان و كەمبوونەوەی نێوانیان بە هۆی كەمبوونەوەی مادەكە و ئەمەش وا دەكات ئازار پەیدا ببێت و لەكاتی لێدانێكی كتوپڕدا، زوو ئێسكەكە پێك دەكەون و زیانێكی زۆر بە ئێسكەكان دەگات. بە پێی ڕێنوێنیی پزیشكی پسپۆڕ لەم بوارەدا، نابێت ئەم كارە زۆر دووبارە بكەیتەوە و بە تایبەت ئەگەر جارێك كردت یەكسەر دوای ئەوە بە ماوەیەكی كەم هەوڵی بۆ مەدەرەوە، چونكە ئەستەمە دوو جار لەسەریەك لە هەمان كاتدا تەقەی بێت و ئەم زۆركردنە لە پەنجەكانت دەبێتە هۆی پێگەیاندنی زیانێكی زۆر بە ئێسكەكانی پەنجەت.

سەرچاوە: ئیلاف
وشە - موحسین شابان

 بینین:   39554
 11/6/2016 11:58:12 AM

په‌ڕه‌یله‌ 34
ژماره‌ی بابه‌ت
  له‌سه‌رهێڵ:   8515
  کۆی سه‌ردان:   250133888
All Rights Reserved.