چۆن پەڵەكان لادەبەیت؟
هەنگوین:دەتوانرێت هەنگوین بەكاربهێنرێت بەمەبەستی لابردنی پەڵەی دوای چاكبوونەوەی برین، ئەویش بە دروستكردنی تێكەڵەیەك لە گیراوەی دوو كەوچك هەنگوین لەگەڵ دوو كەوچك لەو سۆدەیەی دەكرێتە ناو ئاردەوە، پاشان گیراوەكە بخرێتە سەر جێگەی مەبەست‌و بە لەسەرخۆی مەساجی پێبكرێت، پاش تەواو بوونی پرۆسەی مەساجەكە پارچەیەك پەڕۆی گەرم بەكاربهێنرێت‌و بخرێتە سەر جێگەكە كە ساردبووە گیراەوەكەی پێ بسڕێت.گوشراوی پیاز:گوشراوی پیاز وەك پێكهاتەیەكی دژ بە ئاوسان كاردەكات‌و رێگر دەبێت لە بەرهەمهێنانی كلایكۆجین لە شوێنی برینەكەدا، لەم رێگەیەشەوە گوشراوی پیازەكە كارێك دەكات كە شوێنی برینەكە كەمتر دیاربێت، ئەم رێگەیە كاریگەریەكەی كەمە بۆیە ئەگەر بە بەردەوامی بەكاربێت لە دوای مانگێك ئەوجا ئەنجامێكی باش بەدەستدێت.

رۆنی داری چا:ئەم رۆنە بەهێزەو دژە بەكتریایەو بە بەكارهێنانی بە بەردەوامی شوێنی برینەكە بە باشترین شێوە دیارنامێنێت، لەبەرئەوەی زۆر بەهێزە دەبێت لەكاتی بەكارهێنانیدا تێكەڵ بە ئاو بكرێت پاشان بدرێت لە پێست، بەهیچ شێوەیەكیش نابێت بخورێتەوە. 

شێوازی دروستكردنەكەی بریتیە لە تێكەڵكردنی رێژەیەكی كەم لە رۆنەكە لەگەڵ كەمێك ئاوی گەرم‌و پاشان بدرێت لە شوێنە زیانلێكەوتووەكە.زەیتی زەیتوون:زەیتی زەیتوون دەوڵەمەندە بە ڤیتامینەكانی E و K،  ئەم ڤیتامینانەش بەسوودن بۆ پێست‌و خۆراكی سەرەكی پێستن بۆیە كارێكی وادەكەن كە پێست زووتر چاكبێتەوە، زەیتی زەیتوون یارمەیتیدەرێكی زۆرباشی پێستەو رێخۆشكەری پێستە تا پارێزگاری لە رەنگە ئاساییەكەی خۆی بكات‌و زووتر چاك ببێتەوە.

 بینین:   33912
 9/4/2016 4:19:07 AM

په‌ڕه‌یله‌ 34
ژماره‌ی بابه‌ت
  له‌سه‌رهێڵ:   4892
  کۆی سه‌ردان:   239755801
All Rights Reserved.