چۆن سوراوی لێوت بە پێی رەنگی قژت هەڵدەبژێریت
سوراوی لێو دەورێكی گەورە دەبینێت لە دەرخستنی خانمان، وای لێدەكات هەست بە متمانە بە خۆبوونی خۆی و جوانی سروشتی دەم و چاوی بكات، بەڵام لەگەڵ ئەوەشدا بەشێك لە خانمان تووشی كێشەی هەڵبژاردنی سوراوی لێوی گونجاو دەبن.

بازاڕەكانی جوانكاری كۆمەڵێك جۆری باش و ماركەی تایبەت بە سوراوی لێو، لە ڕووی ڕەنگە تۆخ و قەیفەییەكان و گاریگەریان تێدایە، وەكو زانراوە هیچ شێوازێكی دیاریكراو نییە بۆ هەڵبژاردنی سوراوی لێو، بەڵام باشتر وایە لەگەڵ هەموو مەكیاژێكدا ڕێك بخرێت.

چەند ئامۆژگارییەك دەخەینەڕوو بۆ هەڵبژاردنی رەنگی سوراوی لێو بە پێی ڕەنگی قژەكەت:

قژی سور:
سوراوی سور و پرتەقاڵی لەگەڵ  ئەو كەسانەی خاوەنی قژی سورن دەگونجێت، دەتوانی دەرەجەی سوراوە سورەكە هەڵبژێری بە پێی ڕەنگی قژەكە.

ڕەنگی زەرد:
ئەو كەسانەی ڕەنگی قژیان زەردە سوراوی پەمەیی بە هەموو جۆرەكانیەوە دەگونجێت ئەگەر بریقەدار بێت یاخود مات بێت.

قژی خورمایی:
سوراوی سور بە هەموو ڕەنگە گەرم و ماتەكانەوە گونجاوە بۆ ئەم خاوەن قژانە.

قژی ڕەساسی:
ئەگەر تۆ خاوەن قژی ڕەساسی یان سپی گرنگی بە گۆڕینی ڕەنگەكەی نادەیت، دەتوانیت سوراوی پەمەیی یان رەنگی بێجی داخراو بەكاربهێنیت، بەڵام دوور بكەوەرەوە لە بەكارهێنانی سوراوی تۆخ لە ڕۆژدا بۆ ئەوەی دەم و چاوت ناڕێك دەرنەكەوێت.


 بینین:   32146
 8/26/2016 2:41:10 PM

په‌ڕه‌یله‌ 34
ژماره‌ی بابه‌ت
  له‌سه‌رهێڵ:   4940
  کۆی سه‌ردان:   239755508
All Rights Reserved.