ئاگادارییەکی زۆر گرنگ بۆ ھەموو بەکارھێنەرانی ئایفۆن
ھاکەران فێڵێکی نوێ بەکاردەھێنن بۆ دزینی وشەی نھێنی ئەکاونتی بەکارھێنەرانی ئایفۆن و دەتوانن ئایفۆنەکەشی لێ بسەنن.

بەپێی ھەواڵێکی ماڵپەڕە تەکنەلۆژییەکان ھاکەران نامەیەک بۆ بەکارھێنەرانی ئایفۆن دەنێرن کە پێیان دەڵێت مۆبایلە ونبووەکەیان دۆزراوەتەوە و نامەکەش لەشێوەی نامەیەکی ئەپڵدا دەردەکەوێت، ھەروەھا لەسەر بەکارھێنەرانی پێویست دەکەن کە ئەکاونت و وشە نھێنییەکەیان لێبدەن و بەوشێوەیە دەتوانن بچنە ناو ئەکاونتەکەیانەوە و ئەگەر ئایفۆنەکەیان لابێت ئەوا دەبێتە ھی خۆیان.

ھاوکات ئەگەر بەڕاستی ئایفۆنەکەت ون کردبێت ئەوا لەوانەیە بکەویتە ناو داوەکەوە و ئەو بەکارھێنەرانەی کە زمانی ئینگلیزی نازانن لەوانەیە وشە نھێنییەکەیان بدەن بەدەستەوە، ھەربۆیە پێویستە زۆر وریا بیت و ھیچ شتێک لەخۆتەوە نەکەیت لەکاتێکدا نامەیەکی وەھات بینی و کەسێکی شارەزای لێ ئاگادار بکەیتەوە.
 بینین:   3345
 8/11/2016 1:38:11 PM

په‌ڕه‌یله‌ 34
ژماره‌ی بابه‌ت
  له‌سه‌رهێڵ:   6915
  کۆی سه‌ردان:   249404455
All Rights Reserved.